AMEA-nın akademik-katibi, AMEA İnformasiya Texnologiyaları İnstitutunun direktoru, akademik Rasim Əliquliyev və institutun şöbə müdiri Gülnarə Nəbibəyovanın “Об одном подходе к измерению интеграционных процессов между странами” (“Ölkələr arasında inteqrasiya proseslərinin ölçülməsinə bir yanaşma haqqında”) adlı məqaləsi Rusiyanın nüfuzlu jurnalı olan “Телекоммуникации” elmi-texniki, informasiya-analitik və tədris-metodiki dərgisində dərc olunub.
Məqalədə “ölkələrin inteqrasiyası”, “ölkələrin inteqrasiya dərəcəsinin indikatorları” kimi anlayışlar nəzərdən keçirilib. Ölkələrin inteqrasiya dərəcəsinin müəyyən olunması üçün indikator qismində ölkələr arasında kontaktların sayı və bağlanmış beynəlxalq müqavilələrin sayı təklif olunub. OLAP-texnologiyalar əsasında xarici siyasət sahəsində qərarların qəbul edilməsini dəstəkləyən sistemin verilənlər anbarının layihələndirilməsinə yanaşma təklif olunub. Burada ölkələrin inteqrasiya dərəcəsinin müəyyən olunması məqsədilə təklif edilmiş indikatorlar nəzərə alınıb. Bəzi statistik yanaşmaların hesablanması ilə bağlı qərarların qəbul edilməsini dəstəkləyən sistemin imkanları göstərilib.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
