AMEA İnformasiya Texnologiyaları İnstitutunun Təhsil şöbəsinin müdiri, texnika üzrə fəlsəfə doktoru Fərhad Yusifov 16-17 iyun 2016-cı il tarixlərdə Lyublyana Universitetinin (Sloveniya) təşkilatçılığı ilə keçiriləcək “E-dövlət üzrə 16-cı Avropa Konfransı”nın (16th European Conference on eGovernment – ECEG 2016) proqram komitəsinin üzvü seçilib.
Konfransın əsas müzakirə mövzuları dövlət sektorunun fəaliyyətinin inkişafında əsas elementlərə çevrilmiş e-demokratiya, e-vətəndaşlıq, qarşılıqlı əlaqələr, e-şəxsiyyət və e-səsvermə kimi məsələləri əhatə edir. Konfransda ümumilikdə dünyanın 30-dan çox ölkəsindən alim və ekspertlərin iştirakı gözlənilir.
Qeyd edək ki, konfransa təqdim olunmuş elmi əsərlər “Electronic Journal of e-Government” (E-dövlət Onlayn Jurnalı) və “IBIMA” nəşriyyatının “Journal of E-Government Studies and Best Practices” (E-dövlət üzrə Tədqiqat və Təcrübələr) jurnalında nəşr olunacaq.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
