“Hesablama şəbəkələrində yaddaş resurslarının optimal paylanması modelinin işlənməsi” adlı məqalə Rusiyanın nüfuzlu jurnalında dərc olunub

AMEA İnformasiya Texnologiyaları İnstitutunun baş mühəndisi, texnika üzrə fəlsəfə doktoru Rəşid Ələkbərov və institutun doktorantı Məmməd Həşimovun “Разработка модели оптимального распределения ресурсов памяти в вычислительных сетях” (“Hesablama şəbəkələrində yaddaş resurslarının optimal paylanması modelinin işlənməsi”) adlı məqaləsi “Телекоммуникации” jurnalında (Rusiya) dərc olunub.    

Məqalədə yaddaş resurslarının hesablama şəbəkələrində optimal paylanması məsələsi nəzərdən keçirilib. Yaddaş resurslarının optimal paylanması modeli təklif olunub. Model yaddaş resurslarının virtuallaşdırılmasında istifadə olunur və yaddaş resurslarının israf olunmadan istifadəsini təmin edir.  

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.