25 iyul - 14 avqust 2019-cu il tarixlərində Koreyanın Beynəlxalq Əməkdaşlıq Agentliyi (KOICA) tərəfindən “Elm və Texnologiya Parklarının siyasəti və texnologiya transferi və kommersiyalaşdırılması üzrə Planlaşdırma və Təkmilləşdirmə” adlı təlim proqramı keçiriləcək. Təlim proqramında iştirak edəcək namizədlər haqqında məlumatlar 27 may 2019-cu il tarixinədək AMEA Rəyasət Heyəti aparatının Beynəlxalq əlaqələr idarəsinə göndərilməlidir.
Namizədliyi irəli sürülən şəxslər aşağıdakı şərtlərə uyğun olmalıdır:
- Təlim ala bilmək üçün fiziki və əqli tam sağlam olmalıdır;
- Təlim müddətində yüksək səviyyəli davamiyyət və məsuliyyət nümayiş etdirməli, təlim proqramı bitdikdən sonra çalışdığı müəssisədə kadr potensialının gücləndirilməsinə yardım etməlidir;
- Son 3 ildə KOICA-nın eyni və ya oxşar təlim proqramlarında iştirak etməmiş şəxs olmalıdır;
- Texnologiya transferi və texnologiyanın kommersiyalaşdırılması üzrə 5 ildən çox iş təcrübəsinə malik müvafiq qurumda rəhbər vəzifəsində çalışan dövlət rəsmisi və tədqiqatçı olmalıdır;
- İngilis dilində səlis yazılı və şifahi dil bacarığına malik olmalıdır;
- Kompüter və bir sıra proqram təminatları üzrə biliyə malik şəxs olmalıdır.
Qeyd edək ki, təqaüd proqramı çərçivəsində bütün xərclər KOİCA tərəfindən ödəniləcək.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
