16-19 iyul 2019-cu il tarixlərdə Portuqaliyanın Porto şəhərində Kompüter Elmləri və İnformasiya Sistemləri üzrə XIII silsilə konfranslar (13th Multi Conference on Computer Science and Information Systems MCCSIS 2019) çərçivəsində “İKT, Cəmiyyət və İnsanlar” mövzusunda XII beynəlxalq konfrans (12th International Conference on ICT, Society and Human Beings 2019) keçiriləcək.

İKT-nin bəşəriyyətə təsiri, İKT, fərdlər və cəmiyyət arasında qarşılıqlı əlaqələrin müzakirəsini əhatə edəcək konfransa məqalələr 1 aprel 2019-cu il tarixinədək qəbul edilir.

Konfransa təqdim olunmuş ən yaxşı məqalələrin genişləndirilmiş versiyaları “IADIS International Journal on WWW/Internet”də dərc olunmaq üçün seçiləcək. Konfrans materialları “INSPEC”, “Elsevier”, “Scopus”, “Web Science”, “EBSCO” və digər əhəmiyyətli bazalarda indeksləşdirilmək üçün təqdim olunacaq.

Qeyd edək ki, tədbir “International Association for Development of the Information Society” (İnformasiya Cəmiyyətinin İnkişafı üzrə Beynəlxalq Assosiasiya) tərəfindən təşkil olunur.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.