20 may 2016-cı il tarixdə Bakıda yerləşən “Alov qüllələri” kompleksindəki “Fairmont Baku” otelində qabaqcıl 3D-çap və skan texnologiyalarına həsr olunmuş “3D Print Conference” keçiriləcək.
Additiv texnologiyalar Azərbaycan iqtisadiyyatının inkişaf edən sahəsi kimi, XXI əsrin 3D-çap texnologiyaları, 3D-texnologiyalar vasitəsilə gəlir əldə etmək yolları, sənaye, təhsil, tibb və zərgərlik sahələrində istifadə olunan 3D-printerlər beynəlxalq konfransın əsas müzakirə mövzularındandır.
Konfrans spikerlərinin beynəlxalq komandasında Endryu Smit (Böyük Britaniya), Dmitri Pitetski (Rusiya), Furkan Bakir (Türkiyə), Fərhad Əmirbəyov, Fərid Zeynalov, Gülay Əliyeva, Şölə Eminbəyli (Azərbaycan) və digər mütəxəssislər yer alır.
“Smile-Expo” beynəlxalq sərgi şirkətinin təşkilatçılığı ilə keçirilən konfransda 3D-texnologiyalar üzrə aparıcı şirkətlərin nümayəndələri, 3D-printer istehsalçıları, alim və tədqiqatçılar, eləcə də rəssamlar, zərgərlər və dizaynerlərin iştirakı gözlənilir.
