E-elmin formalaşdırılması problemləri araşdırılır 01.11.2017    10:14 / Konfranslar, iclaslar

AMEA İnformasiya Texnologiyaları İnstitutunun 12 saylı şöbəsinin 2017-ci il üzrə hesabatı dinlənildi. Hesabatı təqdim edən şöbə müdiri Mədinə Səidova öncə elmi-tədqiqat işlərindən söz açdı. Məruzəçi e-elmin formalaşması problemləri üzrə gələcək nəsil e-kitabxanaların formalaşması prinsiplərinin araşdırılması, bibliometrik verilənlərin intellektual analizi əsasında elmin perspektiv istiqamətlərinin müəyyən edilməsi, sosial şəbəkələrdə informasiya təsirinin modelləşdirilməsi, müasir informasiya texnologiyalarının tətbiqi ilə elmmetrik metod və alqoritmlərin işlənməsi mövzularında araşdırmaların aparıldığını və elmi nailiyyətlərin əldə olunduğunu diqqətə çatdırdı.

M.Səidova cari il üzrə şöbə əməkdaşlarının elmi-innovasiya və praktiki fəaliyyəti haqqında ətraflı məlumat verdi. O, elmi-texniki informasiyanın komplektləşdirilməsi, kataloqlaşdırılması, sistemləşdirilməsi və yayılması ilə əlaqədar bir sıra tədbirlərin görüldüyünü bildirdi. Həmçinin E-kitabxana Mərkəzində görülən işləri diqqətə çatdıraraq Azərbaycan Kitabxana İnformasiya Konsorsiumuna üzvlüklə əlaqədar işlərin aparıldığını, kitabların ABŞ Konqres kitabxanasının təsnifat sistemi ilə təsnifatlaşdırıldığını qeyd etdi.

Məruzəçi şöbənin elmi-təşkilati fəaliyyətindən də söz açaraq cari ildə müxtəlif mövzulara həsr olunmuş şöbədaxili iclasların və “Elmmetriya saatı” interaktiv seminarının keçirildiyini, elmi bazalar və elmi sosial şəbəkələrdən istifadə qaydaları haqqında təlimlərin təşkil olunduğunu, institutun nəşrlərinə DOI nömrələrinin alındığını nəzərə çatdırdı.

Şöbənin elmmetrik göstəriciləri barədə məlumat verən məruzəçi 2017-ci il ərzində 2 beynəlxalq və respublika səviyyəli konfranslarda iştirak edildiyini, AR Ali Attestasiya Komissiyası tərəfindən tövsiyə olunmuş nüfuzlu jurnallarda 2 məqalənin nəşr olunduğunu  qeyd etdi. Həmçinin institut əməkdaşlarının elmi əsərlərinin xülasəsi olan kitabçanın hazırlandığını vurğuladı.

M.Səidova şöbədə beynəlxalq əməkdaşlıq çərçivəsində görülən işlərdən də söz açdı. İnstitut əməkdaşlarına Azərbaycan Kitabxana İnformasiya Konsorsiumunun üzvü olaraq EBSCO, eİFL və s. kimi informasiya bazalarından istifadə imkanlarının yaradıldığını, “Exlibris” şirkəti ilə Alephino Kitabxana İdarəetmə Sisteminin təkmilləşdirilməsi və müşayiəti ilə əlaqədar əməkdaşlığın davam etdirildiyini bildirdi.

Sonda məruzəçi cari il ərzində elmi-pedaqoji fəaliyyət, elmi-praktiki nəticələrin KİV-də təbliği və reklam-marketinq işinin təşkili, kadr potensialının gücləndirilməsi və digər cari işlər haqqında məlumat verdi.

Şöbənin fəaliyyəti qənaətbəxş hesab edildi, sual və təkliflər səsləndirildi.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

17 noyabr – Azərbaycanın Mİllİ Dİrçəlİş Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR