“Facebook”un auditoriyası “qocalır”

“iStrategyLabs” şirkətinin analitikləri tərəfindən hazırlanmış hesabata əsasən, dünyanın ən böyük sosial şəbəkəsi olan "Facebook" son zamanlar gəncləri daha az, yaşlıları isə daha çox maraqlandırmağa başlayıb. 

Belə ki, son 3 il ərzində Amerikada Facebook-un 13-17 yaşlı istifadəçilərinin sayı 25,3%-ə qədər azalıb. Həmin dövr üçün 18-24 yaş arası yeniyetmələrin sayı isə 7,5% az olub. Eyni zamanda ən böyük sosial şəbəkənin 55 yaşdan yuxarı amerikalı istifadəçilərinin sayı birdən-birə 80,4% artıb. Facebook-un 35-dən 54-ə qədər olan yaş qrupunun auditoriyası 41,4%, 25-34 yaş arası istifadəçilərin sayı isə 32,6% artıb. 

pitbit.ru saytının məlumatına görə, artıq gənclərin Facebook-a marağı itməkdədir. Onlar hazırda yeni sosial resurslar, müxtəlif mobil messencerlər, həmçinin sosial fotoxidmətlərə daha çox maraq göstərirlər.