Ürək döyüntülərini hesablayan “ağıllı” velosipedlər satışa çıxarılacaq

Çin axtarış sistemi olan Baidu “ağıllı” velosiped olan “Dubike”ı təqdim edib.

www.engadget.com-un məlumatına görə, velosiped ürək döyüntülərini, qət edilən məsafəni, sürəti və istiqaməti təyin edə bilmə sisteminə malikdir. İki təkərli “həkim” olan “Dubike” sürücüyə səhiyyə statistikaları, yol xəritəsi və ən uyğun velosiped yollarını təqdim edə bilir.

Texnologiya möcüzəsi olan “Dubike” Baidu və Tsinghua Universitetinin birgə layihəsi əsasında hazırlanıb. Velosipedlərin gələn il bazara çıxarılması nəzərdə tutulur. “Ağıllı” velosipedin qiyməti barədə məlumat verilməyib. 

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.