İnstitutun magistraturasında qış imtahan sessiyasına start verilib

AMEA İnformasiya Texnologiyaları İnstitutunda  qış imtahan sessiyasına start verilib.

Belə ki, yanvarın 6-də institutun I və II kurs magistrantları “Kompüter elmləri”, “Kompüter mühəndisliyi” və “İnformasiya texnologiyaları və sistemləri mühəndisliyi” ixtisasları üzrə imtahan veriblər. İmtahanda I kurs üzrə 9, II kurs üzrə isə 5 magistrant öz biliklərini sınayıb.

İnstitutun magistraturasında digər imtahanlar isə 14, 18, 24 və 28 yanvar tarixlərində baş tutacaq.

Qeyd edək ki, qış imtahan sessiyası AMEA-nın prezidenti, akademik Ramiz Mehdiyevin 21 dekabr 2021-ci il tarixli “AMEA-nın magistrantları üçün qış imtahan sessiyasının keçirilməsi haqqında” sərəncamına əsasən təşkil olunur.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.