“Microsoft” şirkətinin Windows 9 əməliyyat sistemini təqdim etməsi gözlənildiyi halda, Windows 10 adlı yeni əməliyyat sistemi təqdim edilib.
gazeta.ru saytının bildirdiyinə görə, 10 rəqəmi təsadüfən seçilməyib: “Microsoft” tamamilə yeni nəsil əməliyyat sisteminin başladığını elan edir”.
Şirkətin verdiyi məlumata görə, sistem 4 düyümdən 80 düyümə qədər diaqonal ekranı dəstəkləyir. Yeni əməliyyat sistemində istifadəçi üçün əsas şərt olan “Start” menyusu da bərpa olunub. Əməliyyat sistemi isə bütün cihazlarda tamamilə eyni olacaq. Windows 10 smartfon, planşet, noutbuk və s. cihazlarda istifadə ediləcək.
Qeyd edək ki, Windows 10-un qiyməti haqqında dəqiq məlumat verilmir. Lakin şirkətin İndoneziya ofisinin rəhbəri Andreas Diantoronun sözlərinə görə, Windows 8-in sahibləri üçün Windows 10-a keçid pulsuz olacaq.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
