Bu gün AMEA İnformasiya Texnologiyaları İnstitutunun elmi seminarı keçirildi.
İclasda çıxış edən İnformasiya Texnologiyaları İnstitutunun Gənc Alim və Mütəxəssislər şurasının sədri Nərmin Adıgözəlova 2019-cu il üzrə institut əməkdaşlarının elmmetrik göstəricilərini təqdim etdi.
Şura sədri elmi tədqiqatların nəticəsi kimi institut əməkdaşları tərəfindən nəşr olunmuş məqalələr haqqında məlumat verdi. Bildirdi ki, cari ildə 50-si xaricdə (o cümlədən Web of Science-da 15, Scopus-da 21), 39-u respublikada olmaqla 89 məqalə, beynəlxalq səviyyəli elmi konfranslarda 45-i, respublika səviyyəli elmi konfranslarda 64-ü olmaqla 109 tezis və 8 kitab, ümumilikdə 206 elmi əsər nəşr olunub.
Məruzəçi 2019-cu ildə çap olunmuş elmi əsərlərin şöbələr üzrə paylanması qrafikini, eləcə də cari ildə xaricdə çap olunmuş elmi əsərlərin növlərə görə təsnifatını təqdim etdi.
Daha sonra şura sədri institut əməkdaşlarının əsərlərinin ümumi sayına görə müəlliflərin ümumi reytinqi, “Web of Science” və “Scopus” bazalarında indeksləşən jurnallarda çap olunmuş elmi əsərlərin şöbələr üzrə paylanması, eləcə də çap olunmuş əsərlərin sayına görə müəlliflərin reytinqi haqqında ümumi məlumatı diqqətə çatdırdı.
N.Adıgözəlova “Google Scholar”da h-indeksinə görə əməkdaşların reytinqini o cümlədən, 2019-cu ildə və ümümilikdə əməkdaşların aldığı istinadların sayına görə reytinq cədvəlini təqdim etdi.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
