Çinin Sinxua Universitetinin alimlər komandası danışıq qabiliyyətini itirmiş insanlar üçün nitqi sintez edən qurğunun prototipini hazırlayıb. “WAGT” adlı qadcet larinqofon texnologiyasını təkrarlayır, lakin burada qabaqcıl mikroelektronika tətbiq olunur. Boğazdakı titrəmə sensoru kimi qrafendən hazırlanmış yapışqanlı örtükdən istifadə edilib.
techcult.ru saytının məlumatına görə, qrafen 15x30 mm ölçüsündə polivinil spirtdən ibarət nazik zolağa tətbiq olunur. Onu su ilə isladaraq, müvəqqəti tatu kimi dəriyə yapışdırmaq olar.
Qurğunun iş prinsipi larinqofonda olduğu kimidir: qrafen örtük danışıq zamanı dərinin titrəməsinin təsiri altında əyilir ki, bu da mikrokontrollerlə təsbit edilir. İnsan hətta səsini çıxara bilmirsə, onun nitq aparatı yenə də hərəkət edir. Qadcetin elektron bloku da məhz bu hərəkətləri tutur və deşifrə edir. Alınan siqnal əmrlərə çevrilir və sintez edən qurğu lazımi səsləri yaradır.
Prototip hələ ki, yalnız “salam, bəli və xeyr” kimi ən sadə sözləri tanıya bilir. Hazırda alimlər qurğunun təkmilləşdirilməsi üzərində çalışırlar.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
