Partlayışa davamlı smartfon

Norveçin "Pixavi" şirkətinin istehsal etdiyi Impact X smartfonu ekstremal şəraitlərdə istifadə üçün nəzərdə tutulub. Qurğunun işçi temperatur diapazonu mənfi 20°C-dən müsbət 45°C-dək təşkil edir. Ölçüləri 150×65×12 mm, çəkisi 200 qr-dır.

tech.onliner.by saytının məlumatına görə, smartfon 2 metr hündürlükdən yerə düşməyə davamlıdır. Impact X smartfonu 480×800 piksel təsvir ölçülü 4,3 düymlük ekran, 8 meqapiksellik kamera və 3000 milliamper/saat tutumunda batareya ilə təchiz edilib. Ekrana 2 millimetrlik Gorilla Glass 2 şüşəsi əlavə edilib. Aparata Android 4.2.2 Jelly Bean platforması quraşdırılıb.

Təxmin olunur ki, yeni qurğunun qiyməti 1-1,2 min dollar civarında olacaq.