Gələcəkdə İnternet medianın da fəaliyyətinə Prezident yanında Kütləvi İnformasiya Vasitələrinin İnkişafına Dövlət Dəstəyi Fondu(KİVDF) tərəfindən dəstək verilməsi gerçəkləşə bilər. Bu haqda fondun icraçı direktoru Vüqar Səfərli “Trend” informasiya agentliyinə "KİVDF-nin yaradılması həqiqətən tarixi zərurət idi" adlı müsahibəsində bildirib.
Fondun fəaliyyətində gözlənilən yeniliklərdən söz açan V.Səfərli İnternet-medianın müasir dövrdə insanların həyatında ən mühüm istiqamətlərdən birinə çevrildiyini bildirib. Müsahib Azərbaycanda İKT sektorunun surətlə inkişaf etməkdə olduğunu, onun inkişafına dövlət tərəfindən hər cür dəstək göstərildiyini qeyd edib. 2013-cü ilin Prezident İlham Əliyevin Sərəncamı ilə ölkədə "İKT ili" elan edildiyini xatırladan V.Səfərli gələcəkdə fond tərəfindən İnternet-medianın da fəaliyyətinə maliyyə dəstəyinin verilə biləcəyini istisna etməyib.
