"Yandex" 1 apreli qeyd edir

"Yandex" axtarış sisteminin istehsalçıları Ümumdünya Gülüş günü olan 1 apreli xüsusi tərzdə qeyd etməyə qərar verib. Belə ki, bu gün sistemin əsas səhifəsində 1-dən 5-ə qədər virtual milçəklər hərəkət edirlər. İstifadəçilərə milçəköldürən, qəzet və ya başmaqlar vasitəsilə onları öldürmək də təklif olunur. pitbit.ru saytının məlumatına görə, bu proses həm də mini-oyun formasında reallaşdırılır: istifadəçinin bütün milçəkləri öldürməyə sərf etdiyi vaxt hesablanır və onlara öz rekord nəticələrini sosial şəbəkələrdə paylaşmaq imkanı verilir. 

Qeyd edək ki, bütün dünya gülüş gününü XVI əsrdən qeyd etməyə başlayıb. Bu gündə, insanlar kütləvi şəkildə müxtəlif oyunlar keçirir, öz dost-tanışları ilə zarafatlaşırlar. Son vaxtlar müxtəlif əyləncə saytları və KİV-lər də 1 aprel gününü daha fəal şəkildə qeyd edir.