Dünyanın ən böyük axtarış sistemi olan "Google" Rusiyanın ən böyük axtarış sistemi olan "Yandex" ilə yeni əməkdaşlıq müqaviləsi imzalayıb. Müqavilənin şərtlərinə görə, bu iki İnternet-resurs reklam sferasında əməkdaşlıq edəcək və ticarət sistemlərinə qoşularaq hər iki şirkətin banner reklamlarını göstərəcəklər.
pitbit.ru saytının məlumatına görə, yeni razılaşma hər iki axtarış sisteminin, xüsusilə Yandex-in şöhrətini reklamçıların gözündə yüksəldərək, onlara daha əlverişli reklam müqavilələri imzalamağa imkan verəcək.
Yandeks şirkətinin texniki satış bölməsinin rəhbəri Nikolay Danilov Google ilə sazişin bağlanması haqqında fikirlərini bölüşüb: "Reklam sistemlərinin inteqrasiyası sözsüz ki, İnternet-reklam bazarının inkişafı üçün stimul olacaq. Biz gözləyirik ki, bu əməkdaşlıq media reklamları sahəsində inkişafa və keyfiyyət artımına səbəb olsun".
