2 Terabayt tutuma malik ən nazik sərt disk təqdim olundu

“CES 2016” – Beynəlxalq elektronika sərgisi bu gündən öz işinə başlayıb. ABŞ-ın Las-Veqas şəhərində keçirilən sərgidə təqdim olunan yeni məhsullardan biri də “Backup Plus Ultra Slim” adlı sərt diskdir. “Seagate Technology” şirkətinin mütəxəssisləri tərəfindən hazırlanmış yığıcının 2 Terabayt tutuma malik ən nazik sərt disk olduğu bildirilib.

Yığıcı “Backup Plus Slim” modeli əsasında hazırlanıb və sələfindən daha nazik korpusa malik olması ilə fərqlənir. Belə ki, 2,5 düymlük sərt diskin qalınlığı cəmi 9,6 mm-dir.

3dnews.ru saytının məlumatına görə, tezliklə satışa çıxarılacaq “Backup Plus Ultra Slim”in qiyməti açıqlanmayıb.