ABŞ-ın ən səxavətli filantropu - Mark Zukerberq

“Facebook” sosial şəbəkəsinin təsisçisi Mark Zukerberq və həyat yoldaşı Pristsilla Çan ABŞ-da 2013-cü ilin ən səxavətli xeyriyyəçisi elan ediliblər. newsru.com saytının məlumatına görə, cütlük ümumilikdə xeyriyyə işlərinə 970 milyon dollar ianə edib. 

“The Chronicle of Philanthropy” nəşrinin siyahısına 2013-cü ilin 50 əsas xeyriyyəçisi daxil olub. İkinci yerdə şist qazının hasilatı ilə məşğul olan Mitchell Energy & Development şirkətinin rəhbəri Corc Mitçell (750 milyon dollar), üçüncü yerdə isə “Nike” şirkətinin həmtəsisçisi Fil Nayt qərarlaşıb. Siyahıda yer alan 50 xeyriyyəçinin ianələrinin ümumi məbləği 8 milyard dollar təşkil edib.