Noyabrın 14-16-da M.V. Lomonosov adına Moskva Dövlət Universitetində "Müasir informasiya texnologiyaları və İT Təhsil" IX beynəlxalq elmi-praktiki konfransı keçiriləcək.
Konfransın keçirilməsində əsas məqsəd informasiya texnologiyaları sahəsində elmi-tədqiqat və innovasiya fəaliyyətinin, İT sahəsinin elmi əsaslarının formalaşdırılması üçün nəzəri informatika, tətbiqi riyaziyyat və kompüter elmləri ilə bağlı tədqiqatların inkişaf etdirilməsidir.
Təhsilin informasiyalaşdırılması üçün texnologiya və proseslərin inkişafına yardım, milli İT təhsil sisteminə metodiki dəstək, elektron və mobil təhsil texnologiyaları və metodlarından istifadə etməklə açıq, fasiləsiz tədqiqat və təcrübə mübadiləsini təmin etmək və s. konfransın əsas istiqamətlərindəndir.
Qeyd edək ki, tədbirə qatılmaq üçün ödəniş tələb olunmur. İştirak etmək istəyənlər noyabrın 6-na kimi conf.it-edu.ru saytında qeydiyyatdan keçə bilərlər.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
