Əbu-Dabidə informasiya cəmiyyəti sammiti keçiriləcək

İnformasiya cəmiyyəti üzrə ən iri sammit olan World Summit Award Mobile (WSA-mobile) Birləşmiş Ərəb Əmirliklərinin paytaxtı Əbu-Dabidə gələn ilin 1-3 fevral tarixlərində keçiriləcək. 

WSA-mobile ümumdünya sammiti mobil texnologiyalar sahəsində ən yaxşı mobil kontent və müxtəlif innovasiyaların seçilməsinə kömək edən və inkişaf etdirən qlobal təşəbbüsdür. YUNESKO, YUNİDO, BMT GAID-in iştirakı ilə 2010-cu ildən keçirilən tədbir BMT və YUNESKO-ya üzv olan 170-dən artıq dövlətin İT-cəmiyyətləri üçün ən iri meydandır. 

i.rbc.ru saytının məlumatına görə, World Summit Award Mobile-in 8 nominasiyası vardır: m-Government & Participation, m-Environment & Health, m-Learning & Education, m-Entertainment & Lifestyle, m-Tourism & Culture, m-Media & News, m-Business & Commerce və m-Inclusion & Empowerment.