Beynəlxalq Telekommunikasiya İttifaqının səlahiyyətli konfransı keçiriləcək

20 oktyabr - 7 noyabr tarixlərdə Cənubi Koreyanın Busan şəhərində Beynəlxalq Telekommunikasiya İttifaqının (BTİ) səlahiyyətli konfransı keçiriləcək. 

Səlahiyyətli konfrans – BTİ-yə üzv dövlətlərin təşkilatın gələcəkdəki rolu və onun informasiya-kommunikasiya texnologiyalarının dünya üzrə inkişafına göstərə biləcəyi təsirini müəyyən etdiyi əsas tədbirdir. 

Konfrans BTİ-nin ali orqanıdır. Təşkilatın www.itu.int rəsmi saytının məlumatına görə, 4 ildə bir dəfə çağırılan konfransda qurumun ümumi siyasəti müəyyən olunur, 4 illik strateji və maliyə planları qəbul edilir, qurumun yüksək səviyyəli rəhbərliyi, şuranın və Radioreqlamentar Komitənin üzvləri seçilir.