ABŞ-ın San-Diyeqo şəhərində (Kaliforniya ştatı) dünyanın ən iri tədbirlərindən olan Bio International Convention 2014 – Biotexnologiyalar üzrə sərgi və konfrans öz işinə başlayıb. ABŞ-ın müxtəlif ştatlarında və ənənəvi olaraq hər il keçirilən tədbir 23-26 iyun tarixlərinədək davam edəcək.
Tədbirdə səhiyyə, kənd təsərrüfatı, ətraf mühitin mühafizəsi, həmçinin biotexnologiyalar üzrə sferaların tədqiqi və inkişafı sahəsi üzrə çalışan alim və mütəxəssislər, tədqiqatçılar toplaşır.
Sərgi biotexnologiyalar əczaçılıq və baytarlıqda, tibb, kənd təsərrüfatı və sənayedə biotexnologiya, ekobiotexnologiya (biotexnologiya və ətraf mühit), biogeotexnologiya, bioenergetika, nanotexnologiyalar, mikroorqanizmlərin seleksiya və genetikası, bioçip və biosensorlar, informasiya təminatı, əqli və sənaye mülkiyyətinin mühafizəsi, biotexnoloji məhsulların standartlaşdırılması və sertifikatlaşdırılması kimi əsas istiqamətləri əhatə edəcək.
expoclub.ru beynəlxalq sərgi portalının məlumatına görə, Bio International Convention 2015 Filadelfiya (Pensilvaniya ştatı), BIO 2016 isə Çikaqo şəhərində (İllinoys ştatı) keçiriləcək.
