yunun 3-dən 7-dək Tayvanda “Taipei World Trade Center” sərgi kompleksində Beynəlxalq informasiya texnologiyaları və kommunikasiyalar - Computex Taipei 2014 sərgisi keçiriləcək. 5 gün davam edəcək sərginin təşkilatçısı TAITRA şirkətidir.
İlk COMPUTEX sərgisi 1981-ci ildə keçirilib və Asiyada İT-sənayesi sahəsi üzrə ən iri tədbir hesab olunur. Hər il ənənəvi olaraq kompüter texnikası və elektronika sferalarının aparıcı istehsalçılarını toplayan Computex Taipei əhəmiyyətinə görə Almaniyadakı CeBIT sərgisindən sonra ikinci yeri tutur.
Computex Taipei sərgisini hər il 120 000–dən artıq iştirakçı ziyarət edir.
Sərgi çərçivəsində seminar, konfrans və forumlar keçirilir ki, burada İT-sferasının liderləri aktual məsələləri və innovasiyaları müzakirə edirlər. İştirakçılar bu sahədə müşahidə olunan əsas tendensiyalarla tanış olurlar.
expoclub.ru beynəlxalq sərgi portalının məlumatına görə, tədbirdə kompüter sistemləri və texnologiyaları, sistem plataları, aksessuarlar, periferik və kommunikasiya avadanlıqları, proqram təminatı, rəqəmsal əyləncə məhsulları, multimedia və s. sahələrdə əldə olunmuş məhsullar, innovasiyalar nümayiş etdiriləcək.
