14-17 sentyabr 2021-ci il tarixlərdə Rusiyanın Cənub-Qərb Dövlət Universitetinin təşkilatçılığı ilə “Tanıma – 2021” XVI beynəlxalq konfransı (Распознавание — 2021) keçiriləcək. Tədbirin təşkilatçılarından biri də AMEA İnformasiya Texnologiyaları İnstitutudur.
Konfransın əsas istiqamətləri aşağıdakılardır:
- Təsvirlərin emalı, analizi və tanınmasının riyazi nəzəriyyəsi;
- İxtisaslaşdırılmış hesablama vasitələri, təsvirlərin emalı və obrazların tanınmasında paralel və paylanmış hesablamalar;
- Optik-elektron sistemlərin (robot texnikası sistemləri) tətbiqi ilə istehsal proseslərinin avtomatlaşdırılması, elektronikada, informasiyanın və təsvirlərin emalı sistemlərində bifurkasiyalar və xaos;
- Texniki görmə sistemləri əsasında tibbi-ekoloji informasiya texnologiyaları.
Tədbirdə iştirak etmək üçün müəyyən edilmiş tələblərə uyğun hazırlanmış hesabat tezislərinin martın 15-dək Təşkilat Komitəsinin elektron poçt ünvanına (recognition-2021@rambler.ru) göndərmək tələb olunur.
Daha ətraflı məlumatı konfransın rəsmi səhifəsi olan www.swsu.ru saytından əldə etmək mümkündür.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
