21-24 aprel 2020-ci il tarixlərində Moskvada “СВЯЗЬ 2020” – 32-ci beynəlxalq informasiya və kommunikasiya texnologiyaları sərgisi keçiriləcək.
1975-ci ildən keçirilən “СВЯЗЬ” Müstəqil Dövlətlər Birliyinin və Şərqi Avropanın 56 ölkəsini özündə birləşdirən ən böyük tədbirlərədn hesab olunur.
“СВЯЗЬ 2020” beynəlxalq sərgisində mobil, peyk və fiber-optik rabitə, məlumat ötürmə şəbəkələri, telekommunikasiya, server və şəbəkə avadanlığı, kabel və peyk televiziyası üçün televiziya yayım sistemləri, yayım, ixtisaslaşdırılmış proqram təminatı, informasiya təhlükəsizliyi, virtualizasiya, İnternet texnologiyaları və xidmətləri, e-ticarət üçün həllər və s. nümayiş olunacaq.
Xatırladaq ki, “СВЯЗЬ 2020” “Rusiya yüksək texnologiyalar həftəsi” çərçivəsində keçirilir. 2020-ci ildə “Rusiya yüksək texnologiyalar həftəsi” ilk 5 illik yubileyini qeyd edəcək.
“СВЯЗЬ 2020” beynəlxalq sərgisi haqqında ətraflı məlumatı buradan əldə etmək olar.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
