8-10 oktyabr 2019-cu il tarixlərində Almaniyanın Nürenberq şəhərində “it-sa 2019” İT-təhlükəsizlik üzrə beynəlxalq sərgi keçiriləcək.
Əvvəllər “Münhen Security Forum” çərçivəsində keçirilən “it-sa” 2009-cu ildən Nürenberqin Sərgi Mərkəzində müstəqil sərgi olaraq keçirilir. Bu gün “it-sa” dünyada informasiya təhlükəsizliyi üzrə keçirilən əsas sərgilərindən biri hesab edilir.
Sərginin 2018-ci ildə keçirilən 10-cu yubileyində 27 ölkədən 696 eksponent nümayiş olunub və sərgini 50-dən çox ölkədən 14290 ziyarətçi-mütəxəssis ziyarət edib.
Tədbirin əsas müzakirə mövzularına İT-təhlükəsizliyinin bütün spektrləri, o cümlədən sənaye İT-təhlükəsizliyi və məlumatların işlənməsi mərkəzləri üçün fiziki müdafiəyə dair atılan addımlar daxildir.
Tədbirin “Congress@it-sa” proqramında biliklərin praktiki ötürülməsinə xüsusi diqqət ayrılacaq. Tədbir, həmçinin ilk dəfə olaraq EICAR beynəlxalq konfransı üçün platforma ilə xidmət edəcək.
Tədbir haqqında ətraflı məlumatı sərginin rəsmi saytından əldə etmək mümkündür.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
