Koreya Respublikası 2019-2020-ci tədris ili üzrə təqaüd proqramı elan edir. Qlobal Koreya təqaüd proqramı 40 yaşınadək namizədlərə magistratura, doktorantura səviyyələri və tədqiqat sahələri üzrə təhsil almaq üçün təqaüd təminatı verir.

Təqaüd proqramında ingilis (TOEFL və IELTS) və koreya (TOPIK) dilləri üzrə sertifikatı olan namizədlərə üstünlük verilir.

Hər bir tələbənin dil kursu, yol xərci, o cümlədən sığorta xərci Qlobal Koreya təqaüd proqramı tərəfindən qarşılanır. Təqaüdlərin aylıq məbləği magistratura təhsil səviyyəsi üçün 900.000 KRW (1359 AZN), doktorantura üçün 1.500.000 KRW (2265 AZN) təşkil edir.

Namizədlər sənədlərini 04 mart 2019-cu ilə qədər Koreya Respublikasının Azərbaycandakı səfirliyinə təqdim etməlidir.

Ətraflı məlumat və tələb olunan sənədlər üçün studyinkorea.go.kr və edu.gov.az saytlarından istifadə edə bilərsiniz.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.