14-16 aprel 2018-ci il tarixlərdə Portuqaliyanın paytaxtı Lissabon şəhərində E-cəmiyyət üzrə XVI beynəlxalq konfrans keçiriləcək. Tədbir informasiya cəmiyyətində (İC) narahatlıq doğuran əsas problemlərin həllinə dəstək məqsədi daşıyır və İC-nin texniki aspektləri ilə yanaşı, digər aspektlərini də əhatə edir.
Tədbirdə e-dövlət, e-biznes, texnologiya və cəmiyyət, e-təlim, yeni media və e-cəmiyyət, e-səhiyyə, informasiya sistemləri, informasiyanın menecmenti istiqamətlərində müzakirələr aparılacaq.
Qeyd edək ki, konfransın materialları “Elsevier”, “Scopus”, “Web of Science”, “EBSCO” və s. nüfuzlu beynəlxalq bazalarda indeksləşəcək. Seçilmiş məqalələr isə “Interactive Technology and Smart Education (ITSE) journal” və “IADIS International Journal on Www/Internet”də nəşr olunacaq.
Mühüm tarixlər:
Məqalələrin qəbulu üçün son tarix: 9 fevral 2018-ci il
Qeydiyyatdan keçmək üçün son tarix: 29 yanvar 2018-ci il
Daha ətraflı məlumatı www.esociety-conf.org saytından əldə etmək mümkündür.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
