1-30 aprel 2018-ci il tarixlərində Rusiyanın paytaxtı Moskvada Süni intellekt (Artificial Intelligence – AI) texnologiyalarından istifadə üzrə beynəlxalq konfrans – “AI Conference 2018” keçiriləcək.
expoclub.ru saytının məlumatına görə, tədbirin keçirilməsində məqsəd biznes nümayəndələrini (sahibkarlar, istehsalçılar, marketoloqlar, veb-istehsalçılar, top-menecerlər və startap yaradıcıları) bir-biri ilə tanış etmək, həmçinin müxtəlif fəaliyyət sahələrində işin effektivliyini yüksəltməyə imkan verən süni intellektdən istifadənin son texnoloji alətlərini nümayiş etdirməkdir.
Böyük həcmli məlumatlarla iş, müştərinin tələb və davranışlarının proqnozlaşdırılması, xidmətin keyfiyyətinin artırılması, kritik vəziyyətlərdə həllərin hazırlanması, müəssisəyə nəzarət konfransın əsas mövzularını əhatə edir.
Tədbirin mühüm hissəsi olacaq sərgi zonasında şirkətlər süni intellekt əsasında yaradılmış ən yeni məhsullarını təqdim edəcəklər. Bundan başqa, ekspozonada bir sıra maraqlı tədbirlər təşkil olunacaq: “Startap döyüşü”ndə ən perspektivli startaplar öz məhsullarının maliyyələşdirilməsi hüququnu əldə etmək üçün yarışacaqlar. İnvestisiya panelində süni intellektin inkişafının maliyyələşdirilməsinə dair mühüm məsələlər müzakirə olunacaq. Həmçinin təcrübəli süni intellekt mütəxəssisləri eksklüziv master-klaslar keçəcəklər.
© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.
