2017-ci il fevralın 15-dən 17-dək Yaponiyanın paytaxtı Tokioda “Nano Tech 2017” – nanotexnologiyalar üzrə beynəlxalq sərgi-konfransı keçiriləcək.

expoclub.ru saytının məlumatına görə, sərgi 2002-ci ildən “Nano Bio Expo”, “Neo functional material”, “ASTEC” kimi tematik sərgilərlə birgə keçirilir. 2016-cı ildə tədbiri dünyanın 14 ölkəsindən 48 mindən çox mütəxəssis ziyarət edib. Sərgidə 23 ölkədən 586 şirkət iştirak edib. 2017-ci ildə isə 600 şirkətin təmsil olunacağı gözlənilir.

“Nano Tech 2017”də nanotexnologiyalar, informasiya texnologiyaları, ixtira və innovasiyalar, tibbi avadanlıqlar, kosmik texnologiyalar və s. təqdim ediləcək. Həmçinin müvafiq sahələr üzrə aparılmış elmi araşdırmaların nəticələri müzakirə olunacaq.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.