15-16 aprel 2015-ci il tarixlərdə Tehranda (İran) “Veb-tədqiqatlar üzrə Beynəlxalq konfrans” (ICWR 2015) keçiriləcək.
Konfransda kompüter elmləri, informasiya texnologiyaları və hesablama texnikasının bütün sahələrində fəaliyyət göstərən müəllimlər, tədqiqatçılar, sənaye ekspertləri və tələbələrin iştirakı gözlənilir.
Tehranın Elm və Mədəniyyət Universitetinin Təhsil, Mədəniyyət və Tədqiqat Mərkəzi ilə birgə təşkil etdiyi tədbir İnternetin keyfiyyətinin qiymətləndirilməsi, İnternet iqtisadiyyatı və biznes-modellər, veb-təhlükəsizlik və məxfilik, İnternet axtarışı və kontent-analiz, semantik veb, kibermühit və sosial şəbəkələrin analizi, kompüter və insan arasında qarşılıqlı təsir, veb-sosiologiya və etika, mobil proqramlarda veb-hesablama, veb-kommunikasiyalar və media, veb-proqram platformaları və alətlər, veb mining, o cümlədən bulud hesablama platformaları kimi sahələri əhatə edir.
