AMEA İnformasiya Texnologiyaları İnstitutunun 9 saylı şöbəsinin baş mühəndisi, texnika üzrə fəlsəfə doktoru, dosent Şəfəqət Mahmudova elmi ekspertiza fəaliyyətinə görə “Scopus” kimi dünyaca məşhur verilənlər bazası tərəfindən indeksləşən “Journal of Big Data” jurnalının redaksiya heyəti tərəfindən rəyçi sertifikatına layiq görülüb.

“SpringerOpen” nəşriyyatında 2015-ci ildən dərc olunan “Journal of Big Data” jurnalında böyük verilənlərin analizindən resurs tələb edən hesablama araşdırmalarına qədər yüksək keyfiyyətli tədqiqat sənədləri, metodologiyalar və geniş mövzuları əhatə edən məqalələr nəşr olunur. Jurnalın əsas mövzu və kateqoriyalarına verilənlərin intellektual analizi vasitələri və metodları, vizuallaşdırılması, böyük verilənlərin texnologiyası, onlar üçün maşınöyrətmə alqoritmləri, bulud hesablama platformaları, paylanmış fayl sistemləri və məlumat bazaları, eləcə də genişləndirilmiş saxlama sistemləri və s. daxildir.

Jurnal aşağıdakı elmmetrik göstəricilərə malikdir:

Source Normalized Impact per Paper (SNIP): 4.117

CiteScore: 8.79

SCImago Journal Rank (SJR): 1.124

Scopus h-index: 17

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.