2018-ci ildə Falcon Heavy raketində kosmosa göndərilən Tesla Roadster və robot maneken Starman Günəş ətrafında ilk dövrəni 557 gün ərzində başa vurublar.
hightech.fm saytı xəbər verir ki, mütəxəssislər ilkin mərhələdə robotun kosmosda yalnız 58 000 km. məsafəni qət edə biləcəyini gözləyirdilər. Lakin, Tesla Roadster artıq 122 milyon km. ərazidən keçib.
Qeyri-adi kosmik obyektin bu yaxınlarda Marsa çatacağı gözlənilir. Onun hərəkət trayektoriyasını www.whereisroadster.com veb saytından mütəmadi izləmək mümkündür. Saytın verdiyi məlumata görə, hazırda Tesla Roadster Yerdən 298,628,191 km. məsafədədir.
Tesla Roadster təxminən 121 min km/saat sürətlə hərəkət edir. İlkin hesablamalara görə, Roadster Yerə ən yaxın nöqtəyə 2020-ci il noyabr ayının 5-də çatacaq.
© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.
