Mədən neftinin PVT xassələrinin proqnozlaşdırılmasına dair mövcud yanaşmalar təhlil olunub Noyabr 21, 2018 | 04:00 / Mühüm hadisələr

AMEA İnformasiya Texnologiyaları İnstitutunun 1 saylı şöbəsinin baş mühəndisi, texnika üzrə fəlsəfə doktoru, dosent Məkrufə Hacırəhimova və institutun böyük elmi işçisi Aybəniz Əliyevanın  həmmüəllifi olduqları məqalə “Review of Information Engineering and Applications (RIEA)” jurnalında nəşr olunmuşdur.

“Mədən neftinin PVT xassələrinin proqnozlaşdırılmasına dair mövcud yanaşmalar” (“Current approaches in prediction of PVT properties of reservoir oils”) adlı məqalədə dünyanın müxtəlif regionlarının xam neftlərinin PVT xassələrinin proqnozlaşdırılması sahəsində geniş yayılmış empirik korrelyasiyalar, onların tətbiq xüsusiyyətləri, dəqiqliyi və məhsuldarlığı təhlil edilmişdir.  Xam neftin tərkibinin, fiziki-kimyəvi xüsusiyyətlərinin fərqliliyi səbəbindən bu korrelyasiyaların universal tətbiq oluna bilməməsi və ya lazımi dəqiqliyə malik olmaması yeni metodların işlənməsini zəruri etmişdir. Məqalədə bu problemlərin aradan qaldırılması istiqamətində son illər geniş tətbiq olunan yeni korrelyasiyalar, maşın təlimi metodları və hibrid modellər tədqiq olunmuşdur. 

Məqalə SOCAR-ın Elm Fondunun maliyyələşdirdiyi “DeepOil-ML: intellektual neft mədənləri üçün Deep Learning əsasında yeni texnologiyaların işlənməsi” qrant layihəsi çərçivəsində aparılmış elmi tədqiqatlar əsasında hazırlanmışdır. 

Qeyd edək ki, RIEA jurnalı “CrossRef”, “Google Scholar”, “Microsof Academic Search”, “Ulrichs Web Global Serials Directory”, “CNKI Scholar”,  “Scilit”, “RePEc”  və s. kimi elmi bazalarda indeksləşir.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı