AZƏRBAYCAN RESPUBLİKASI ELM VƏ TƏHSİL NAZİRLİYİ İNFORMASİYA TEXNOLOGİYALARI İNSTİTUTU
Ana səhifəAzərbaycan Respublikasında 2009-cu ildə əhalinin siyahıyaalınmasının keçirilməsi...
Azərbaycan Respublikasında əhalinin demoqrafik vəziyyəti, sayı, tərkibi və yerləşməsi haqqında, habelə sosial-iqtisadi proqnozların aparılması üçün lazım olan məlumatların əldə edilməsini təmin etmək məqsədi ilə qərara alıram: 1. 2009-cu il aprelin 13-dən 22-dək Azərbaycan Respublikasında əhalinin siyahıyaalınması keçirilsin. 2. Əhalinin siyahıyaalınmasına hazırlıq, onun keçirilməsi, yekunlarının işlənməsi, təhlil edilməsi və nəticələrinin dərc edilib yayılması Azərbaycan Respublikasının Dövlət Statistika Komitəsinə həvalə edilsin. 3. Azərbaycan Respublikasının Nazirlər Kabineti iki ay müddətində 2009-cu ildə əhalinin siyahıyaalınmasına hazırlıq işlərinin görülməsini və onun keçirilməsini təmin edən tədbirlər planını təsdiq etsin. 4. Bu fərman dərc edildiyi gündən qüvvəyə minir. İlham ƏLİYEV Azərbaycan Respublikasının Prezidenti Bakı şəhəri, 7 iyun 2006-cı il |
