Analoq fotokameranı rəqəmsal fotokameraya çevirən qurğu yaradılıb 04.10.2017    10:39 / Texnoloji yeniliklər

“I'm Back” adlı qurğu fotolentdən qurtulmağa və köhnə fotokameraya Wi-Fi, video çəkilişi və xarici monitor əlavə etməyə imkan verəcək.

hi-tech.mail.ru saytının məlumatına görə, yeni qurğunu istənilən lentli 35 mm fotokameraya qoşmaq olar, bunun üçün 1950-1990-cı illərin istənilən modeli uyğun gəlir. Qurğu fotokamerada lent üçün nəzərdə tutulmuş yerə taxılır və kameranın göstəricilərini əhəmiyyətli dərəcədə artırır. Qurğunun özündə 16 meqapiksel təsvir ölçüsünə malik rəqəmsal CMOS-sensor və “Panasonic” şirkətinin optik qurğusu var ki, bunlar da fotolent sistemini əvəz etməyə imkan verir.

Təsviri “Raspberry Pi Zero” yığcam çipi emal edir. “I'm Back” qurğusunun qoşulduğu köhnə fotokamera 2880x2160 piksel təsvir ölçüsünə malik JPG formatında foto və MP4 formatında video çəkə biləcək. O, həmçinin məlumatları Wi-Fi vasitəsilə göndərə və smartfonları xarici monitor kimi qoşa biləcək. Fayllar microSD kartında saxlanılacaq. Qurğunun istehsalçısı fotokameranın funksiyalarının idarə edilməsi və rejimlərin quraşdırılması üçün sadə əməliyyat sistemi də hazırlayıb.

Qiyməti 126 avro təşkil edən “I'm Back” dəstinin ilkin sifarişləri “Kickstarter” platformasında qəbul edilir. Onların 2018-ci ilin mayında çatdırılması planlaşdırılır.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

18 oktyabr – Azərbaycanın Dövlət Müstəqİllİyİ Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR