“Azərbaycan Milli Ensiklopediyası” Elmi Mərkəzinin veb-saytı təqdim olundu 30.05.2017    11:00 / Mühüm hadisələr

AMEA-nın nəzdində fəaliyyət göstərən “Azərbaycan Milli Ensiklopediyası” Elmi Mərkəzi və Azərbaycan Milli Ensiklopediyası sisteminin veb-saytlarının təqdimat mərasimi keçirildi. Tədbirdə AMEA İnformasiya Texnologiyaları İnstitutunun mütəxəssisləri və Milli Ensiklopediya Mərkəzinin məsul şəxsləri iştirak edirdilər.

Öncə İnformasiya Texnologiyaları İnstitutunun şöbə müdiri Gülnarə Nəbibəyova Elmi Mərkəzin ame-merkez.gov.az veb-saytı haqqında məlumat verdi. Bildirdi ki, institutun mütəxəssisləri tərəfindən hazırlanmış sayt AR Nazirlər Kabinetinin qərarı ilə təsdiq edilmiş “Dövlət orqanlarının internet informasiya ehtiyatlarının yaradılması və idarə edilməsinə dair Tələblər”ə və AR Xüsusi Dövlət Mühafizə Xidmətinin tələblərinə uyğunlaşdırılmış, təhlükəsizlik tam şəkildə təmin olunmuşdur.

Azərbaycan, rus və ingilis dillərində fəaliyyət göstərən saytın Ana səhifəsi “Haqqımızda”, “Struktur”, “Azərbaycan Milli Ensiklopediyası”, “Xəbərlər”, “Rəsmi sənədlər”, “Elanlar” və “Qalereya” bölmələrindən ibarətdir. Ən son texnologiyalar əsasında yaradılmış saytda əhatəli axtarış sistemi, xəritə və faydalı linklər də mövcuddur.

ame-merkez.gov.az-ın “Xəbərlər” bölməsinin siyasəti haqqında institutun sektor müdiri Əfruz Qurbanova çıxış etdi. Bildirdi ki, veb-saytda Mərkəzin fəaliyyəti, burada təşkil olunan tədbirlər, görüşlər, yeni nəşrlər, müsahibələr və çıxışlara dair məlumatları yerləşdirmək məqsədəuyğundur.  

Sonra  institutun elmi işçisi Yusif Sadıyev Azərbaycan Milli Ensiklopediyası sisteminin ensiklopediya.gov.az veb-saytını təqdim etdi. Onun sözlərinə görə, Mərkəzin veb-saytından birbaşa keçidin mümkün olduğu sistemdə çoxsaylı ensiklopedik lüğətlər və onların izahları onlayn şəkildə yerləşdirilmişdir və bu proses davam etməkdədir.

Y.Sadıyev saytın axtarış sistemi haqqında məlumat verərək qeyd etdi ki, sistemdə söz, əlifba və cild üzrə axtarış aparmaq mümkündür.  

Sonda veb-saytın istismarına dair fikir mübadiləsi aparıldı, bir sıra təkliflər səsləndirildi. 

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir. 

Dünya şöhrətlİ alİm Lütfİ Zadə İlə vİda mərasİmİ keçİrİlİb
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR