İnstitutun əməkdaşları Web of Science üzrə sertifikatlaşdırma proqramında iştirak ediblər

ETN İnformasiya Texnologiyaları İnstitutunun Elmi informasiya və elmmetriya şöbəsinin müdiri Mədinə Səidova və şöbənin əməkdaşı Nərgiz Abdullayeva Web of Science üzrə sertifikatlaşdırma proqramında iştirak ediblər.

Hər iki əməkdaş onlayn təlimlər çərçivəsində təşkil olunan sınaq testlərindən müvəffəqiyyətlə keçərək diplomlara layiq görülüblər.

Qeyd edək ki, 2 həftə ərzində davam edən tədbirlərdə “Web of Science Core Collection” bazasının strukturu və məzmunu, imkanları, bazada axtarış sorğusunun sintaksisi, təşkilatın nəşr fəaliyyətinin qiymətləndirilməsi, Web of Science platformasında əlavə bazalar, dissertasiyalar, qrantlar və digər mövzular üzrə təlimlər keçirilib, müzakirələr aparılıb.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.