“Samsung” yeni nəsil saatını təqdim edib

“Samsung” korporasiyası yeni qabaqcıl “Note 9” smartfonunun təqdimatına həsr edilmiş “Galaxy Unpacked” adlı xüsusi tədbir zamanı yeni nəsil “Galaxy Watch” saatlarını ictimaiyyətə təqdim edib.

belta.by saytının məlumatında bildirilir ki, sözügedən cihaz sukeçirməz korpusla təchiz edilib və böyük tutumlu batareyaya malikdir.

“Galaxy Watch” saatları telefona bağlanmadan işləyə və sahibinin fiziki aktivliyini, yuxusunun müddət və keyfiyyətini izləyə bilər. Yeni funksiyalardan biri şəxsi onlayn təlimə giriş imkanının yaradılmasıdır.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.