“Norton” antivirus proqramının yaradıcısının doğum günüdür

Bu gün informasiya texnologiyaları sahəsində tanınmış mütəxəssislərdən biri olan Piter Nortonun anadan olduğu gündür. O, 1943-cü il noyabrın 14-də ABŞ-ın Vaşinqton ştatının Aberdin şəhərində dünyaya göz açmışdır. Oreqon ştatında kolleci bitirdikdən sonra Berklidə riyaziyyat ixtisası üzrə Kaliforniya Universitetində təhsil almışdır.

P.Norton “Norton Commander”, “Norton Utilities”, “Norton Disk Doctor” və məşhur antivirus proqramı olan “Norton İnternet Security” kimi məhsulların yaradıcısıdır. O, həm də fərdi kompüterlər haqqında “İBM PC-in daxilində”, “OS/2-nin daxilində” və “Proqramçının məlumat kitabçası” kitablarının müəllifi kimi tanınır.

1982-ci ildə Piter hazırladığı proqram məhsullarının kütləvi təqdimat və satışını təşkil etmək üçün "Norton Computing" şirkətini yaratmışdır.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.