Ramiz Hüseyn oğlu Şıxəliyev 1961-ci ildə anadan olmuşdur.
1990-cı ildə Leninqrad Elektrotexnika İnstitutunun “Elektrofizika” fakültəsini bitirmişdir.
1998-ci ildən AMEA İnformasiya Texnologiyaları İnstitutunda çalışır və kompüter şəbəkələrində informasiya təhlükəsizliyinin təmin olunmasının nəzəri problemləri ilə məşğul olur.
2008-ci ildə "Qarşılıqlı əlaqəli korporativ informasiya fəzalarının ekranlaşdırılması metod və modellərinin işlənməsi" mövzusu üzrə dissertasiya işini müdafiə etmiş, 05.13.01 - Sistemli analiz, idarəetmə və informasiyanın işlənməsi ixtisası üzrə texnika elmləri namizədi adını almışdır.
Hal-hazırda “Kompüter şəbəkələrinin intellektual monitorinqi metod və modellərin işlənilməsi" mövzusu üzrə doktorluq dissertasiyası üzərində işləyir.
38 jurnal və 41 konfrans məqaləsinin və 2 kitabın müəllifidir. 19 əsəri xaricdə (Cənubi Koreya, Rusiya, Ukrayna, Belarus və s. ölkələrdə) çap edilmişdir.
“Методы и технологические аспекты экранирования взаимоувязанных корпоративных информационных пространств” kitabının həmmüəllifi, “Şəbəkə texnologiyaları” kitabının müəllifidir.
2014-cü ildə “İKT ili” çərçivəsində Azərbaycan Prezidenti yanında Elmin İnkişafı Fondu, Rabitə və İnformasiya Texnologiyaları Nazirliyi ilə birgə keçirilən qrant müsabiqəsinin qalibi olub.
İnstitutun Tədris-İnnovasiya Mərkəzində pedaqoji fəaliyyət göstərir.
2015-ci ildə uzunmüddətli elmi və elmi-təşkilati fəaliyyətinə görə AMEA Fizika-Riyaziyyat və Texnika Elmləri Bölməsinin Fəxri Fərmanı ilə təltif olunub.
2016-cı ildə Azərbaycan Respublikasının Prezidenti yanında Ali Attestasiya Komissiyası tərəfindən dosent elmi adına layiq görülmüşdür.
Hazırda institutda baş elmi işçi vəzifəsində işləyir.
Elmi əsərləri haqqında məlumat
Xidməti tel.: (+994 12) 510 42 53
Elektron poçt: ramiz@science.az, shikhramiz61@gmail.com
