29-31 oktyabr 2019-cu il tarixlərində Tunisin Hammamet şəhərində İnternet və sistemlərin riskləri və təhlükəsizliyi üzrə 14-cü beynəlxalq konfrans (The 14th International Conference on Risks and Security of Internet and Systems (CRiSIS) keçiriləcək. Konfrans İnternet ilə əlaqədar tətbiq, şəbəkə və sistemlərdə təhlükəsizlik məsələlərinə həsr olunacaq.

Tədbirdə risklərin təhlili və idarə edilməsi, hücumlar və müdafiə, təşkilati, etik və hüquqi məsələlər, təhlükəsizlik və risklərin qiymətləndirilməsi, əməliyyat sistemlərinin təhlükəsizliyi və etibarlılığı, sənaye nəzarət sistemlərinin təhlükəsizliyi istiqamətlərində müzakirələr aparılacaq.

Məqalələr 9 iyun 2019-cu il tarixinədək qəbul edilir. 

Ətraflı məlumatı crisis2019.redcad.org saytından əldə etmək mümkündür.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.