İnformasiya Texnologiyaları İnstitutunun baş elmi işçisi, texnika üzrə fəlsəfə doktoru, dosent Şəfəqət Mahmudova “Springer Nature” nəşriyyatının “Soft Computing” jurnalında 2022-ci il ərzində 5 məqaləyə rəy verdiyinə görə  rəyçi sertifikatına layiq görülüb.

“Web of Science” platformasına daxil olan “Soft Computing” jurnalının impakt faktoru 3.732-yə bərabərdir. Jurnal “soft computing” texnologiyalarına əsaslanan sistem həllərinə həsr edilmiş problemləri əhatə edir. “Soft Computing” jurnalı təkamül alqoritmləri və genetik proqramlaşdırma, neyron şəbəkə sistemləri, qeyri-səlis çoxluqlar nəzəriyyəsi xaos nəzəriyyəsi və xaotik sistemlər üzrə tədqiqatların nəticələrini təqdim edir.

Qeyd edək ki, “Soft Computing” jurnalı həmçinin “Scopus” “ACM Digital Library”, “INSPEC” “DBLP” və s. beynəlxalq bazalarda indeksləşir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.