Beynəlxalq jurnalın redaksiya heyəti Azərbaycan aliminin fəaliyyətinə yüksək qiymət verib Avqust 24, 2022 | 04:25 / Mühüm hadisələr

AMEA İnformasiya Texnologiyaları İnstitutunda fəaliyyət göstərən alim və mütəxəssislər artıq bir neçə ildir ki, dünyanın nüfuzlu elmi bazaları və jurnalları ilə əməkdaşlıq edir. Onlar müxtəlif beynəlxalq konfransların təşkilat komitələrində təmsil olunur, məqalələrə rəylər yazır və digər istiqamətlərdə fəallıq nümayiş etdirirlər.

AMEA İnformasiya Texnologiyaları İnstitutunun baş elmi işçisi v.i.e., texnika üzrə fəlsəfə doktoru, dosent Şəfəqət Mahmudova növbəti dəfə tanınmış “Soft Computing” jurnalının redaksiya heyəti tərəfindən rəyçi sertifikatına layiq görülüb. Ş.Mahmudovaya bu sertifikat uğurlu beynəlxalq əməkdaşlığa və məqalələrə rəylərin verilməsində fəal iştiraka görə təqdim edilib.

Nüfuzlu  “Web of Science” elmi bazasına daxil olan yüksək impakt faktorlu “Soft Computing” jurnalı müvafiq sahədə mühüm elmi nəticələrin sürətlə yayılmasını, təkamül alqoritmləri və genetik proqramlaşdırma, neyron şəbəkə sistemləri, qeyri-səlis çoxluqlar nəzəriyyəsi və qeyri-səlis sistemlər və xaos nəzəriyyəsi üzrə tədqiqatların təqdim olunmasını hədəfləyir.

“Soft Computing” jurnalı “Science Citation Index”, “Scopus”, DBLP, “Inspec”, “Compendex”, “MetaPress”, “Computer Science Index”, Springerlink və digər bazalarda indeksləşir və referatlaşdırılır. Jurnalın impakt faktoru isə 3.732-dir.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı