Kompüter texnikasının əsasları araşdırılır Noyabr 01, 2018 | 11:59 / Konfranslar, iclaslar

AMEA İnformasiya Texnologiyaları İnstitutunun 18 saylı şöbəsinin növbəti elmi seminarı keçirildi. Şöbənin əməkdaşı Zümrüd Qənbərova “Kompüter texnikasının əsasları” mövzusunda məruzəni təqdim edərək hesablama vasitələrinin inkişaf tarixindən danışdı, cəmləyici maşın, arifmometr, analitik maşın, proqramla idarə olunan ilk kompüter, ilk universal kompüter (ENIAC) haqqında ətraflı məlumat verdi.

Z.Qənbərova kompüter nəsillərinin xüsusiyyətlərindən bəhs edərək 5-ci nəsil kompüterlərin üstünlüklərini diqqətə çatdırdı. Qeyd etdi ki, kompüter sənayesinin və süni intellektin inkişafı ilə geniş yayılan bu kompüterlər daha yüksək məhsuldarlığa və iş etibarlılığına malik olmaqla yanaşı, keyfiyyət baxımından yeni funksional tələblərə cavab verir.

Qabarit ölçülərinə və məhsuldarlığına görə kompüterlərin böyük, çox böyük (super), orta, kiçik (mini), mikro-kompüterlər kimi siniflərə bölündüyünü deyən məruzəçi bu siniflərin hər birinə aid olan kompüterlərin imkanları barədə danışdı.

O, kompüter arxitekturasında Con Fon Neymanın 40-cı illərdə təklif etdiyi prinsiplərin əsas götürüldüyünü bildirərək Neyman arxitekturalı hər bir kompüterin mərkəzi və periferiya hissələrindən ibarət olduğunu dedi, bu hissələrin bir-biri ilə sistem interfeysi vasitəsilə əlaqələndirildiyini söylədi.

Z.Qənbərova, həmçinin Neyman arxitekturasını, eləcə də kompüterin arxitektura və strukturunu təqdim etdi.

Məruzə ətrafında fikir mübadiləsi aparıldı, suallar cavablandırıldı.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı