“MTCMP 2018” beynəlxalq konfransı çərçivəsində Superkompüter texnologiyaları üzrə təlim-seminar keçirildi Sentyabr 24, 2018 | 05:00 / Konfranslar, iclaslar

Sentyabrın 24-də Azərbaycan Milli Elmlər Akademiyasında akademik Həsən Abdullayevin 100 illiyinə həsr olunmuş “Fizikanın kondensə olunmuş mühitlərində müasir istiqamətlər” (Modern Trends in Condensed Matter Physics – “MTCMP 2018”) mövzusunda beynəlxalq konfrans öz işinə başladı. Üç gün davam edəcək konfrans kondensə olunmuş hal fizikasının akademik H.B.Abdullayevin elmi irsi ilə sıx əlaqəsi olan sahələrini, eləcə də, Azərbaycanda inkişafı onun adı ilə bağlı olan digər elm sahələrini (radiasiya fizikası, astrofizika, fiziki kimya, kristalloqrafiya, biofizika, idarəetmə sistemləri) əhatə edir.

Konfrans çərçivəsində tədbirin açılış günündə AMEA İnformasiya Texnologiyaları İnstitutunda təlim-seminar keçirildi. Tədbiri giriş sözü ilə açan AMEA-nın akademik-katibi, institutun direktoru, akademik Rasim Əliquliyev təlim-seminarın superkompüter texnologiyaları, eləcə də big data analitikası problemlərinin müzakirəsinə həsr olunduğunu bildirdi. 

Tədbirdə Azərbaycan Milli Elmlər Akademiyası ilə yanaşı, Beynəlxalq Nüvə Tədqiqatları İnstitutunun (BNTİ) İnformasiya Texnologiyaları Laboratoriyası (İTL) və Meksika Milli Avtonom Universitetinin məsul şəxsləri iştirak edirdilər.

Tədbirin ilk günü BNTİ İTL-in direktoru Vladimir Korenkovun “CERN Böyük Adron Kollayderi üçün paylanmış hesablamalar”, İTL-in qrup rəhbəri Vladimir Gerdtin “Kvant hesablamaları və kvant məlumatlarına giriş”, İTL-in “HybriLIT” heterogen platformasının baş analitiki Maksim Zuevin “Superkompüter GOVORUN. Elmi hesablamaların yeni imkanları” və İTL-in əməkdaşı Nikita Balaşovun “Bulud texnologiyalarına giriş” mövzusunda məruzələri dinlənildi.

Məruzələrə dair geniş fikir mübadiləsi aparıldı, çoxsaylı suallar cavablandırıldı.

Qeyd edək ki, təlim-seminarın növbəti günündə Meksika Milli Avtonom Universitetinin əməkdaşı Natiq Atakişiyevin “Diskret Furye çevirməsinin artan və azalan operatorlarının cəbri xüsusiyyətləri”, BNTİ İTL-in əməkdaşı Sergey Belovun “Big Data analitikasına giriş”, İTL və AMEA Fizika İnstitutunun Yüksək enerji fizikası laboratoriyasının əməkdaşı Aleksey Bondyakovun “AZ-IFAN” Məlumat Mərkəzinin qrid və bulud infrastrukturu” və AMEA Fizika İnstitutunun Yüksək Enerji Fizikası laboratoriyası və BNTİ-nin əməkdaşı Aleksandr Vodopyanovun “CERN Böyük Adron Kollayderində ALICE eksperimenti” adlı məruzələri təqdim olunacaq.

© Bütün hüquqlar qorunur. Xəbərlərdən istifadə edərkən www.ict.az saytına istinad zəruridir.

İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı