Kompüter klaviaturadan istifadə xüsusiyyətlərinə görə insanların cinsini tanıya bilir 13.02.2018    12:00 / Maraqlı məlumatlar

Klaviaturada mətnin yığılması xüsusiyyəti individualdır, lakin qadınlar və kişilərdə cinsi 95 faiz dəqiqliklə müəyyən etməyə imkan verən ümumi xüsusiyyətlər mövcuddur. 

Yunanınstanın Demokrit Universitetindən İoannis Simperidis (Ioannis Tsimperidis) və onun həmkarları 75 könüllü (36 kişi və 39 qadın) üzərində araşdırmalar aparıblar. Onların kompüterlərinə 10 ay ərzində klavişə hər toxunmanı fiksasiya edən, xüsusi olaraq hazırlanmış “IRecU” proqram-keyloqqerləri quraşdırılıb.

Toplanmış fayllar “ISqueezeU” statistik analiz proqramı ilə təhlil edilib. O, mətnin yığılmasının müxtəlif xüsusiyyətləri ilə insanın cinsinin mümkün korrelyasiyalarını (iki və daha artıq təsadüfi dəyişənlər arasındakı statistik əlaqə) qiymətləndirməyə imkan verib: düymələrin sıxılma zamanı, hərflər arasında fasilələr və s.

Analizlər göstərib ki, bu xarakteristikalardan bəziləri həqiqətən də cins ilə korrelyasiya edilir. “Digital Investigation” jurnalı tərəfindən dərc edilmiş məqalədə alimlər belə xüsusiyyətlər arasında N, onun ardınca O, həmçinin M və O klavişlərinin sıxılması arasındakı fasiləni qeyd ediblər.

naked-science.ru saytının məlumatına görə, bu xarakteristikalar və onlarla bağlı olan çəki əmsalları 78 faizdən çox dəqiqliklə istifadəçinin cinsiyyəti təyin edə bilən (onlardan ən müvəffəqiyyətlinin məhsuldarlığı 95 faizi ötüb) beş müxtəlif neyroşəbəkənin öyrənilməsi üçün istifadə olunub. 

Müəlliflər hesab edirlər ki, istifadəçinin cinsinin təyini analizi polis araşdırmaları və ya reklam kampaniyalarının hədəf planlaşdırılması üçün alət ola bilər.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

"Elm və İnnovasİya" verİLİŞİ
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR