Yeni proqram smartfonda trafikə qənaət etməyə kömək edəcək 01.12.2017    09:22 / Texnoloji yeniliklər

“Google” şirkəti istifadəçilərə mobil rabitə operatorunun internet paketi tarifinə daxil edilən trafikin haraya sərf olunması ilə bağlı suala cavab tapmaqda kömək edəcək yeni proqramını təqdim edib. “Datally” adlı proqramı “Google Play” mağazasından ödənişsiz yükləmək mümkündür.

hitech.vesti.ru saytının məlumatına görə, yeni alət smartfondan gündəlik istifadə (gün, həftə və aylar üzrə) zamanı mobil məlumatların nəyə sərf olunmasını göstərməklə yanaşı, onlardan istifadəni optimallaşdırmağa kömək edəcək. “Datally” trafiki daha çox sərf edən proqramlar siyahısını göstərəcək.

Proqram konkret istifadəçi tərəfindən trafikin istifadə xüsusiyyətlərini təhlil edərək məlumatların sərf edilməsinin azaldılması üsullarını tövsiyə edəcək. O, məsələn, yaxınlıqdakı ümumi “Wi-Fi” şəbəkələrinə qoşulmaqla bağlı məsləhətlər verəcək. Bundan başqa, şəbəkələrin təsviri ən keyfiyyətli variantı seçməyə kömək edəcək istifadəçi rəyləri ilə təmin edilib.

Bildirilir ki, “Datally” proqramında əsas alət məlumatların ötürülməsini hazırda istifadə olunan proqram istisna olmaqla, bütün proqramlar üçün bloklayan və ya bunu seçmə üsulu ilə edən “data saver” funksiyasıdır. Həmin məsələləri bu və ya digər şəkildə quraşdırılmış “Android” vasitələri ilə həll etmək mümkündür. Lakin lazımi funksiyalar “Sazlama” menyusunun dərinliklərindədir və onlar barədə məlumata çox zaman bütün istifadəçilər malik olmurlar.

“Datally” bu funksiyaları anlaşılan və rahat interfeysdə – smartfonda mobil məlumatların “idarəetmə mərkəzi”ndə birləşdirib. İstehsalçılar proqramın gələcək versiyalarına mobil rabitə operatorunun balansının monitorinqini və mobil məlumatlardan həddindən artıq istifadə haqqında xəbərdarlığı əlavə etməyi planlaşdırırlar.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

12 dekabr - Ümummİllİ lİder Heydər Əlİyevİn anım günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR