Virtual reallıq xarici dil öyrənməyə kömək edəcək 13.09.2017    11:20 / Texnoloji yeniliklər

“ATi Studios” şirkəti “Google Daydream” platforması üçün səsi tanıya bilən və xarici dil öyrənməyə kömək edəcək “MondlyVR” proqramını hazırlayıb.

popmech.ru saytının məlumatında bildirilir ki, “MondlyVR” xarici dil öyrənən insanlara virtual reallığa yüklənməyə və burada müxtəlif personajlarla danışmağa və onlarla qarşılıqlı təsirdə olmağa imkan verəcək. İstehsalçılar proqramın ən populyar dillərdən (ingilis, yapon, fransız, ispan və s.) başlayaraq, əsasən, yalnız dil daşıyıcıları və linqvistika sahəsinin mütəxəssisləri tərəfindən öyrənilən dillərə qədər (fin, macar) 30 dili dəstəkləyəcəyini bildiriblər.

Şirkətin baş icraçı direktoru Aleks İlieskunun sözlərinə görə, xarici dil öyrənməyin ən yaxşı üsulu həyati ssenarilər və söhbətləri canlandıran virtual reallığa yüklənməkdir. Yeni dildə ünsiyyət zamanı insanlara qorxu və təcrübənin olmaması mane olur. “MondlyVR” xarici dil öyrənənlərə real ünsiyyət vəziyyətlərində özünü rahat hiss etmək imkanı verərək bu baryerləri aşmağa kömək edir.

Həmçinin qeyd edilir ki, yeni dildə söhbətlərə qoşulmağa başlamazdan əvvəl ənənəvi dil öyrənmədə 6 aya qədər zaman tələb olunduğu halda, “MondlyVR” bunu ilk gündən etməyə imkan verir. Proqramın işləməsi üçün virtual reallıq dəbilqəsini taxmaq tələb olunur.

© Bütün hüquqlar qorunur. Xəbərlərdən istifadə edərkən www.iсt.az saytına istinad zəruridir.

 

17 noyabr – Azərbaycanın Mİllİ Dİrçəlİş Günüdür
Xİdmətlər
İŞ FƏALİYYƏTİNİZƏ BİZİMLƏ BAŞLAYIN!
Ətraflı
BİZİM YARADICI VƏ ÖZÜNƏMƏXSUS İDEYALARIMIZA ETİBAR EDİN!
Ətraflı
ƏLVERİŞLİ QİYMƏTLƏRƏ KEYFiYYƏTLİ VƏ RƏNGARƏNG NƏŞRİYYAT İŞLƏRİ!
Ətraflı
İT BİLİKLƏRİNİZİ İNKİŞAF ETDİRƏRƏK KARYERANIZI DƏYİŞİN!
Ətraflı
ZƏNGİN E-KİTABXANA XİDMƏTLƏRİ!
Ətraflı
ELMİ JURNALLAR